महोदय / महोदया, महाराष्ट्रामध्ये महाविद्यालयीन वक्तृत्व / वाद स्पर्धांची मोठी परंपरा असून या माध्यमातून अनेक वक्ते घडले. कै. नी. गो. पंडितराव स्मृती वक्तृत्व स्पर्धा हे या परंपरेतील महत्त्वाचे नाव. यंदाची कै. नी. गो. पंडितराव स्मृती वक्तृत्व स्पर्धा 23 व 24 सप्टेंबर 2017 रोजी आयोजित करण्यात आलेली आहे. सदर स्पर्धेचे माहितीपत्रक सोबत जोडीत आहोत. स्पर्धा कनिष्ठ आणि पदवी गट अशा दोन वेगवेगळ्या गटांत आयोजित केली जाते. त्याचप्रमाणे बाहेरगावाहून येणाऱ्या स्पर्धकांची निवास व्यवस्था आयोजकांमार्फत नि:शुल्क केली जाते. आणि बाहेरगावीहून येणाऱ्या स्पर्धकांना एका वेळेचे रेल्वेचे भाडे देण्यात येईल. सुवर्ण महोत्सवाच्या उंबरठ्यावर असणाऱ्या या प्रतिथयश स्पर्धेत सहभागी होण्यासाठी आपणा सर्वांना हे आग्रहाचे निमंत्रण ! धन्यवाद ! डॉ. चैतन्य साठे चिटणीस कै. नी. गो. पंडितराव स्मृती वक्तृत्व स्पर्धा समिती