रामनारायण रुईया स्वायत्त महाविद्यालय इ.स. १९७९ पासून प्रा.गोवर्धन पारीख यांच्या स्मरणार्थ आंतरमहाविद्यालयीन राज्यस्तरीय वक्तृत्त्व स्पर्धा आयोजित करीत आहे. रुईया महाविद्यालयातील विद्यार्थीप्रिय प्राध्यापक, मु ंबई विद्यापीठातील रेक्टर, रॉयवादी विचारवंत, प्रभावी वक्ता अशी प्राध्यापक गोवर्धन पारीख या व्यक्तित्त्वाची विविध रुपे होती. त्यांच्या पत्नी डॉ. इंदुमती पारीख यांनी दिलेल्या देणगीतून हे एक वैचारिक व्यासपीठ महाराष्ट्रातील विद्यार्थ्यांना उपलब्ध् झाले आहे. आपल्या संस्थेतील विद्यार्थ्यांना या स्पर्धेमध्ये भाग घ्यायला प्रोत्साहन देऊन ही स्पर्धा यशस्वी करण्यासाठी आम्हाला सहकार्य करावे, ही विनंती.